Emine Usein
1972 yılında Namangan ili Çust şehrinde dünyaya geldi. 1991 yılında Çust Pedagoji Okulundan mezun olup Kırım’a taşındı. 1993 ile 2008 yılları arasında sınıf öğretmeni olarak görev yaptıktan sonra Tavriye Milli Üniversitesi Filoloji ve Kırım Tatar Dili ve Edebiyatı Bölümünden mezun oldu. Edebiyat muhabiri olarak çalışmaktadır. Altın Güneş adlı ilk şiir kitabı 2009 yılında, Hayvanat Âlemi adlı ikinci kitabı 2011 yılında yayınlandı. Bu yıl çocuklar için En Güzeli Edeptir ve büyüklere için Kefe Lalesi adlı şiir kitaplarını yayınlamayı planlamaktadır. Çeşitli antolojilerde şiirleri yer almaktadır.

Qorqma, babam, bar Yaradan, yar – Yaradan!

Zaman  felâketlerden qurban çoçuklarnıñ hatırasına*

Avuçımda bütün dünya, ğaflet dünya,

Qopmay fiğan, qopmay boran – sessiz dünya,

Yas qıynamay süküt turğan, yüzsüz dünya,

Qorqma, babam, bar Yaradan, yar – Yaradan!

Sürgün oldım Vatanımdan, bu dünyadan,

Dünya içün, imdat bekleyim yalıda,

Babam ağalay, haberi yoq bu alımdan,

Qorqma, babam, bar Yaradan, yar – Yaradan!

Közlerimden közyaş degil, deñiz aqa,

Aq dalğalar ep urula dudağıma,

Dünya seyir etip, baqa ayağıma,

Qorqma, babam, bar Yaradan, yar – Yaradan!

Kin qusqannıñ kölgesine meni ata,

Caillerniñ tebessümge sarıp, yuta,

Günâhlarnı yapqan sayın dünya bata,

Qorqma, babam, bar Yaradan, yar – Yaradan!

Bala ağlay, yürek ağlay, yer,  kök ağlay

Mazlumlarnıñ feryatları qalpke sığmay,

Ümütlerni, soñ nefeste, Haqqa bağlay,

Qorqma, babam, bar Yaradan, yar – Yaradan!

Bu yalıda tenim degil, dünya cansız,

Ölü kibi yarasız oldı ve qansız,

Ğaflet dünya, tövbe eyle, qalma tañsız,

Qorqma, babam, bar Yaradan, yar – Yaradan!

Essiz olma,  cansız qalma, dünya, uyan!

Boranlarnı mende sınap, Haqqa tayan,

Horluqlarğa men dayandım, sen de dayan!

Qorqma, babam, bar Yaradan, yar – Yaradan!